كيف تأثر في أي شخص في خمس دقائق

عاااوز يكون ليك تاثير قوى على إللى حواليك ؟؟؟؟؟ شخصيتك ضعيفة و عاوز تقويها ؟؟؟ عاوز تكون عندك ثقة بالنفس؟؟؟؟
الناس مبتهتمش بارائك و متجاهلينها, الناس بتقول عليك انك ضعيف الشخصية؟؟؟؟؟
عااوز تفضل كده ؟؟؟؟!!! والا عاوز تتغير؟؟؟؟؟؟
لو عاوز تتغير بجد , حنساعدك تعمل ده مع البرمجة اللغوية العصبية......
حنساعدك مع البرمجة اللغوية العصبية انك تاثر فى الاخريين و تقول وجهة نظرك بصراحة و بدون تردد ...... توكل على الله ويالا بينا نبدأ و نشوف ممكن نعمل ايه بالبرمجة اللغوية العصبية؟؟!!!!

الابتسامة, استخدم السلاح السرى الخطير ده فى اقناع الاخريين و التاثير عليهم , بالبسمة تقدر تعمل المعجزات و جرب و حتشوف النتيجة ,لو عاوز حاجة من حد ابتسم و انت بتطلب الحاجة دى و خلى عندك شعور قوى و ظن ان إللى قدامك حينفذلك إللى انت عاوزه و حاول تبعد اى افكار سلبية عنك و الغى من دماغك خالص فكرة ان إللى قدامك حيرفض الحاجة إللى انت عاوزها .... و طبعا خلى حسن ظنك الاول بالله و ايقن انه الله هو مسبب الامور ...و الاسلوب ده اتعلمناه من حديث رسول الله "صلى الله عليه وسلم ":
"عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .
رواه البخاري و مسلم .
معناه ان ربنا "عز و جل" امرنا بحسن الظن ووعدنا بالاجابة .....

ثانى حاجة انك متحولش تفرض رايك على إللى فدامك , بالعكس خلى فيه دايما بينك و بينه مساحة من النقاش و الحوار و الجدال , علشان يكون عندك فرصة انك تقنعه برايك و فى نفس الوقت متحسسوش انك بتفرض رايك عليه।

تالت حاجة انك تتجنب الغضب و تصبر على انك توصل و تقنع الناس بوجهة نظرك , و متخليش اليأس يتغلب عليك , لكن حاول مرة و اتنين وعشرة و اكيد حتوصل للحاجة إللى انت عاوزها و افتكر دايما ان الاصرا بيصنع المعجزات....

والنبي" صلى الله عليه وسلم " امرنا بعدم الغضب : حيث قال لذلك الأعرابي مراراً: (لا تغضب … لا تغضب … لا تغضب ॥)، ونتذكر قول الحق تبارك وتعالى: (وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ)

و اهم حاجة للتاثير على الاخريين هى "الكلمة الطيبة" حاول تتكلم مع الناس بالحسنى و تراعى ربنا فى معاملتك مع الناس , و اوعى تفتكر ان التحكم والعصبية حتخليك تملك الاخريين , بالعكس استعمال الرفق و اللين و اختيارك للكلمات العذبة و الرقيقة و المحددة حتخلى كل الناس تحبك اولا و تسمع كلامك بطيب خاطر ثانيا .....
ففي صحيح مسلم عن عائشة رضي الله عنها أن النبي صلى الله عليه وسلم قال: (إن الرفق لا يكون في شيء إلا زانه ولا ينزع من شيء إلا شانه) .
و لو عاوز تشوف ممكن الكلمة الطيبة ممكن تعمل فى الناس ايه ؟؟ ادخل و شوف
وشوف رسول الله "صلى الله عليه وسلم " حثنا على الكلمة الطيبة ازاى؟؟؟ : (( عن رسول الله صلى الله عليه وسلم ؛ أنه ذكر النار فتعوذ منها . وأشاح بوجهه . ثلاث مرار . ثم قال : " اتقوا النار ولو بشق تمرة .فإن لم تجدوا ، فبكلمة طيبة " . ))

وقال صلى الله عليه وسلم: (( والكلمة الطيبة صدقة ))
وقال صلى الله عليه وسلم: (( من كان يؤمن بالله واليوم الآخر فليقل خيراً أو ليصمت ))

و حاول دايما انك تستخدم الصدق فى كلامك, فالله تعالى قال فى كتابه : بسم الله الرحمن الرحيم (فَلَوْ صَدَقُوا اللَّهَ لَكَانَ خَيْرًا لَهُمْ) صدق الله العظيم , اعرف ان الكذب عمره مبينجى , لما الناس يلاقوك بتكذب عليهم دايما عمرهم محيسمعوا كلامك فى حاجة .....

اخر حاجة انك تلغى كلمة "لا " من قاموسك خالص , يعنى متنهاش شخص عن حاجة او تقوله " متعملش كده " لكن استبدل كلمة "لا" بالنصيحة زى "ايه رايك لو ....." او بالتوجيه الغير مباشر " انا اعرف واحد بيعمل كذا .... و الحاجة دى ضرته فى كذا....."
و انت عارف ان العقل الباطن بيترجم كلمة "لا" بالعكس ,او بيلغى كلمة لا و بيخزن باقى الجملة بدون كلمة "لا" , و خير مثال على كلامنا ده هو حديث رسول الله "صلى الله عليه وسلم"
النبي "صلى الله عليه وسلم" خدمه أنس بن مالك عشر سنين، فلم يسمع من رسول الله صلى الله عليه وسلم جملة (لم فعلت كذا) ولم يسمع كلمة تأنيب أو أي حاجة سلبية،لكن نبي الرحمة عليه الصلاة والسلام كان يستخدم العبارات الإيجابية في تعامله مع الاخريين ....